Banner

غزل: عصمت الله صابر پکتیا پوهنتون

16.01.2011 05:40

نوره مې که هیڅ نشته پروا خدایکه مې هیره شي
ستا هغه په تلو تلو کې خندا خدایکه مې هیره شي

خدایزده چې به څومره نورې شپې په ویښه تیرې کړم
شپه چې مو کړه تیره تر سبا خدایکه مې هیره شي

ټوله ورځ سلګۍ،اوښکې او سر په زنګنو ایښی
هغه ورځ هم تیره شوه په ما خدایکه مې هیره شي

څنګه به د مخ په بله واړاو غریو به ونیوې
ستا هغه په نه کیسه ژړا خدایکه مې هیره شي

وشي که پوښتنه رانه ستا په ځنکدن کې زما
زه (صابر) به ووایم همدا خدایکه مې هیره شي

عصمت الله صابر پکتیا پوهنتون


ستاسو تبصره


لطفاً لاندې افغانستان په انګليسي تورو وليکئ.